Zjarr në një shkollë fillore në Kikindë, në terren tetë zjarrfikës

Në Shkollën Fillore “Feješ Klara” në Kikindë ka shpërthyer një zjarr, njofton RTS. Ekipet e zjarrfikësve janë në terren duke ndërhyrë për shuarjen e flakëve.

Sipas të dhënave, zjarri ka shpërthyer pak para orës 22:00, në një ambient ku ruheshin rekuizita sportive, në afërsi të sallës së edukatës fizike.

Në vendngjarje ndodhen dy automjete të njësisë zjarrfikëse-shpëtuese, si dhe tetë zjarrfikës që po punojnë për ta vënë zjarrin nën kontroll.

Ndërkohë, siç bëhet e ditur, në këtë objekt shkollor po zhvillohet një rikonstruksion i gjerë i ndërtesës, i cili ka nisur në shkurt të këtij viti.

Sqarohet se kantieri i punimeve është nën mbikëqyrje video, gjë që pritet ta lehtësojë hetimin për shkakun e shpërthimit të zjarrit. Autoritetet ende nuk kanë dhënë një bilanc përfundimtar për dëmet e shkaktuara nga zjarri.